Það á að vera hjálmaskylda

Hef eini sinni lent í reiðhjólaslysi, sló höfðinu harkalega í götuna við fall, eyðilagði hjálminn en varð ekki fyrir höfuðmeiðslum en á enn í dag 8 árum síðar í axlameiðslum, sem hlutust af fallinu... Segi því... ALLIR AÐ NOTA HJÁLMA

Heit umræða um hjálmaskyldu

Athugasemdir

[Gunnlaugur (IP-tala skráð) 20.6.2013 kl. 00:06]

Eitt frábært persónulegt dæmi. Best að þvinga skylduna á alla því hann Frikki heldur að hjálmur hafi bjargað sér.

[Frikkinn, 20.6.2013 kl. 00:36]

Dulnefni hjá þér.....

[Birgir Guðjónsson (IP-tala skráð) 20.6.2013 kl. 01:12]

Það hefur margsinnis sýnt sig að hjálmar hafa forðað fólki frá slysum, og í sumum slysum bjargað mannslífi.

Þeim sem skilja það ekki er vorkunn.

[Bjarki (IP-tala skráð) 20.6.2013 kl. 01:33]

Ekki skylda heldur sjálfgefið. Rugl að binda þetta í lög.

[Baldur Örn Óskarsson, 20.6.2013 kl. 02:32]

Algengustu alvarlegir áverkar í umferðarslysum eru höfðumeiðsli. Er þá ekki rökrétt að skylda alla ökumenn og farþega bifreiða til að vera með hjálm? Það gæti bjargað mörgum mannslífum, mikið fleirum en hjálmaskylda á hjólreiðamenn.

Svo er það eina sem ónýtur reiðhjólahjálmur sannar að þeir eru brothættir, og þá sérstaklega ef þeir eru orðnir gamlir. Hann kom kanski í veg fyrir að þú fékkst gat á hausinn en það er ekkert sem segir að hann hafi komið í veg fyrir alvarlega áverka þó hann hafi brotnað.

[Magnús Sigurðsson, 20.6.2013 kl. 04:20]

Hvað með að skylda geimfarabúninga? Hefði það ekki getað komið í veg fyrir axlarmeiðslin?

[Einar Steinsson, 20.6.2013 kl. 08:15]

"Röksemdin" um að fólk ætti þá líka að vera með hjálma í bílum er rökleysa vegna þess að bílaframleiðendur eru einmitt í óðaönna að setja "hjálma" á ökumenn og farþega, sífellt fleiri bílar eru búnir loftpúðum sem verja höfuðið í umferðaróhöppum sem gerir þessa meintu hjálmanotkun í bílum óþarfa. Það er löngu liðin tíð að loftpúðar séu bara í stýri og mælaborði, ég held að í bílnum mínum séu alls 11 loftpúðar á ýmsum stöðum t.d. í þakinu og sætunum.

Ég hjóla sjálfur talsvert mér til heilsubótar og undantekningalítið með hjálm, ég nenni nefnilega ekki að drepast eða verða slefandi grænmeti vegna einhvers heimskulegs snobbs, mér gæti ekki verið meira sama þó einhverjum þyki hjálmurinn ekki fara vel á hausnum á mér.

[Baldur Örn Óskarsson, 20.6.2013 kl. 10:41]

Rökleysa? Þannig að er bara mýta að milljónir deyji og örkumlist í umferðarslysum á hverju ári?

Nú fara sumir hlauparar hraðar yfir en margir hjóla, á að setja hjálmaskyldu á þá líka?

Svo er keyrt á fjöldann allan af gangandi vegfarendum á hverju ári, á að setja hjálmaskyldu á gangandi líka?

Það er sjálfsagt mál að fólk noti hjálm ef það kýs að gera það, enda geri ég það alltaf sjálfur og hjóla ég mörg þúsund kílómetra á ári. Ég er samt meðvitaður um að hjálmurinn bjargar mér ekki í árekstri á miklum hraða því hann er ekki gerður fyrir það. Hinsvegar er hann ágætis rispuvörn ef ég dett á hausinn.

Ef ég ætlaðist til að hjálmurinn bjargaði höfðinu á mér í árekstri væri ég með hjálm sem líktist þessum:

http://www.chainreactioncycles.com/Images/Models/Original/94112.jpg

Það hefur ekki enn tekist á sýna fram á að hjálmaskylda dragi úr alvarlegum meiðslum hjólreiðamanna og því undarlegt að fólk yfir höfuð sé að ræða það.

Það hefur hinsvegar sýnt sig að lækkun umferðarhraða er eitthvað sem skilar sér strax í fækkun slysa.

Rannsóknarnefnd umferðarslysa hefur komið með tölur sem sýna rúma 60% fækkun alvarlegra slysa hjá gangandi og hjólandi á svæðum sem hámarkshraði er lækkaður úr 50 í 30.

60% er engin smá fækkun og í því samhengi alveg ótrúlegt að öll íbúðahverfi séu ekki með 30km hámarkshraða. Þá er ég ekki að tala um einstaka götur eins og er nú, heldur heil hverfi.

Á sama tíma er verið að tala um hjálmaskyldu sem ekki hefur tekist að sýna fram á að skili neinu.

Merkilegur fjandi.

Að lokum er hollt fyrir alla að horfa á þetta myndband.

http://video.tedxcopenhagen.dk/video/911034/mikael-colville-andersen

[Kjartan (IP-tala skráð) 20.6.2013 kl. 11:52]

Hjálmaskylda, röksemdir og rökleysa, það er gaman að lesa skoðanir og sjá hvernig um máliðer fjallað. En mér er minnisstætt að fyrir allnokkrum árum ætluðum við hjónin út að hjóla með dætur okkar í þar til gerðum barnastólum, auðvitað voru þær með hjálma en ekki við. Nágranni minn sá til okkar og hrósaði okkur fyrir ummhyggju um börnin, en spurði svo? Ykkur er semsagt sama þó þær verði foreldralausar ef eitthvað kemur fyrir. Heldur betur blaut tuska sem við fengum þar. Eftir þetta höfum við látið skynsemina ráða og notum alltaf hjálm.