Velkomin til Íslands.

Þau eru ákaflega falleg og myndarleg hjón, og verða verðug á konungstóli í framtiðinni, en alltaf kviknar hjá manni löngunin í að fá kóng eða drottingu í stað forseta hérlendis, en við sem hugsum svona eru víst frekar fá. Verið velkomin til Íslands Friðrik og Mary.

Friðrik og Mary í opinbera heimsókn til Íslands

Hvað óttast hann ?

Perez getur trútt um talað enda þurfa Ísraelar ekki að óttast neitt meðan amerískur stuðningur er við höndina, persónulega sé ég engan mun á múrum nasista og múrum þeim sem Ísraelar reisa utan um palestínumenn, munurinn er auðvitað grimmdaræði þýzku nasistanna.

Peres líkir Ahmadinejad við Hitler

" Verjum kjörin "

Mér þykir undarlegt að verkalýðsforingjarnir tali um að verja kjörin , blekið er varla þornað þegar þeir eru komnir í vælugírinn, og maður spyr hvað í ósköpunum voru þeir að gera í vetur ? Þeir eru eins og þursar, staurblindir og virðast vera með hugann við eitthvað annað en að semja fyrir okkur um mannsæmandi laun. Hagfræðingar eflaust á svimandi launum hjá ASÍ virðast ekki hafa séð fram á við  nokkra mánuði fram í tímann. Nógu oft höfum við séð þá í sjónvarpinu og birta spár fram í tímann, en þarna hafa þeir gjörsamlega brugðist. Þ.e plataðir upp úr skónum .Ég held að það þurfi að fara endurnýja forystu launþegasamtakanna, enda hafa þeir setið of lengi við völd og ekki staðið sig, að flestra mati. En duglegir eru þeir að kæfa raddir í sínum röðum sem vilja breytingar á forystu og stefnu verkalýðsfélaganna það meiga þeir eiga enda mikið í húfi fyrir þá, fríðindi allskonar, ýmis  kostnaður greiddur, og lengi má telja. Já maður spyr kjör hverra eru þeir að reyna verja , kannske sín eigin ?

Lúðrasveitahljómur ómar

1.Maí frídagur hins vinnandi manns

Í dag eru 85 ár síðan fátækir verkamenn í Reykjavík sameinuðust í fyrstu 1.maí göngunni og eru það ansi merkileg tímamót. Verkafólki hlakkaði til dagsins þegar allir fóru í kröfugöngu , veifuðu rauðum fánum og sýndu sig og sáu aðra. Verkafólk á Íslandi var að vakna til stéttarvitundar á þessum tíma því það áttaði sig á því að sameinað var það sterkara í átökum við gráðuga og ósvífna atvinnurekendur,alls kyns burgeisa og eigendur togara sem hikuðu ekki við að hunsa allar reglur og samninga. Á kreppuárunum urðu miklar vinnudeilur í tengslum við losun skipa, gúttóslagurinn í Reykjvík 1932 þegar verkamenn yfirbuguðu lögregluna og óttuðust margir að kommúnistar tækju völdin í framhaldi af því , Novu deilan á Akureyri, og síðasta stóra alvöruverkfallið 1955 .Aðgangur verkafólks að foringjum sínum var greiður og hægt að ganga að þeim vísum og fólk vissi að hjartað var á réttum stað.  Síðan hefur mikið vatn runnið til sjávar innan verkalýðsfélaganna, í dag eru verkalýðsskrifstofur orðnar stofnanir þar sem það er ekki nokkur leið fyrir vinnandi fólk að ná sambandi við forystuna í glerhöllum sínum. Í gömlu Dagsbrún féll stjórn félagsins í kosningum og ný tók við árið 1942 svokölluð rauða Dagsbrún sem situr enn við völd í einu af stærstu félögum landsins nefnilega Eflingu. Þar hafa Dagsbrúnar menn töglin og haldin í öllu, sitja þar og velta sér upp úr sjóðum vinnandi fólks, langt frá raunveruleika hins vinnandi manns. 66 ára valdaseta þætti jafnvel á mælikvarða dagsins í dag of löng valdaseta og þætti bera keim af græðgi og einræði. Þarna inni eru milljarðar í sjóðum sem engin hefur aðgang að nema þeir einir. Það eru einstaka brauðmolar sem falla af borðinu til að reyna hafa lýðinn góðan . 1.Maí ræður eru fjálg orð sem hafa enga þýðingu og síðan er haldið kaffisamsæti fyrir greiðendur félagsgjaldanna og svo gerist ekkert. Ekki tekst þeim að skila mannsæmandi kjörum fyrir greiðendur félagsgjaldanna, því afsökunin er sú að lengra verður ekki komist, og bent á "rauð strik" sem einhver töfraorð eða lausn. . Hvert klúðrið á fætur öðru í samningum við atvinnurekendur segir allt sem segja þarf,  og nýjasta floppið eru svo nýgerðir kjarasamningar.  Í sumum Evrópulöndum er frídagurinn hnýttur við helgar og fólk fær 3.daga  helgarfrí í staðinn og er það vel. Svona er 1.maí í dag hjá íslensku verkafólki í dag. Til hamingju með daginn verkalýður landsins, megi barátta okkar skila meiru í pyngjuna á komandi árum. Og burt með valdhafanna í glerhöllunum sem eru byggðar fyrir peningana okkar.

 

Hjúkrunarfræðingar plataðir

Aumingja hjúkrunarfræðingarnir að falla fyrir gamla trikkinu að segjast ætla skoða málið og skipa nefnd, þetta er ávísun á að ráðherra er að reyna svæfa málið og draga þá á asnaeyrunum.

Vaktakerfið dregið til baka

Brennuvargar.

Ég fór í kvöld að skoða verksummerkin við Hvaleyrarvatn og var það ófögur sjón, margra ára atarf lagt í rúst.  Makalaust að ungum mönnum yfir tvítugt detti í hug að kveikja í og eyðileggja. Þroskaleysi eða siðleysi sem hrjáir þá líklega, eða  kannske fá þeir  kynferðislega útrás út úr þessu. Réttast væri að láta þá gróðursetja ný tré  undir leiðsögn svo piltarnir átti sig á vinnunni á bak við trjarækt.

Sinueldur við slökkvistöð

Góðan daginn Guðni.

Skil nú ekki alveg hvaða barlómur er í Guðna. Hann skellti sjálfur skollaeyrum við slíku tali í tólf ár, þannig að hann ætti nú að líta sér nær blessaður maðurinn. Talaði niður til annara og naut valda með félögum sínum. Kannske er hann að vakna við vondan draum komin á síðasta söludag í pólitík.

Telur að ríkisstjórnin eigi að segja af sér

Meiri spenna á leikjum.

Úrslitakeppnin var afar vel heppnað fyrirkomulag og ótrúlega mikil stemming sem myndaðist á áhorfendapöllunum, 4 úrslitakeppni er eitthvað sem vantar í handboltann.

Aron er bjartsýnn á framtíð handboltans

Mótmælandi Íslands nr 2.

Æ karlgreyið, Sturla er farinn að minna á mótmælanda Íslands nr 1  Helga Hóseason. Einn á röltinu og með spjaldið góða hátt á lofti, sorglegt.

Sturla: Ég berst fyrir ykkur

Til hamingju Víkingar

Alltaf hlýnar manni um hjartaræturnar þegar mínu gamla félagi Víking gengur vel og kemst í hóp þeirra beztu, þó að ég búi í Garðabænum og á mínu heimili er málið Stjarnan, þá fylgist maður með þeim. Til hamingju Víkingar

Víkingar í efstu deild eftir sigur gegn ÍR