Luxor eða bara Eros center .

Skulum vona að portkonurnar fái vinnu sem fyrst við sitt hæfi og þurfi ekki að draga fram lífið á atvinnuleysisbótum. Sá á bloggi Önnu Kristjáns að þetta væri Eros center kjallarinn á Reeperbahn, það var alveg ótrúlegur staður , menn nánast rifnir í sundur ef gengið var í gegnum kjallarann,  hvílík gat samkeppnin verið þar. Ég var á farskipum í nokkur ár og sigldi mikið á Hamborg, þar var og er allt í boði sem hugurinn girnist.Einnig var fyndið að labba gegnum strassann fræga og sjá gluggaútstillingarnar eða kíkja í sjöuna , þar voru útjaskaðar portkonur sumar nánast á grafarbakkanum. Einn staður er mér sérstaklega minnisstæður og er það Bierhaus, þar var hægt að hringja milli borða og bjóða upp í dans. Þetta var bæverskur staður með týrólamúsik og gat verið assskoti gaman að kneyfa ölið úr líterskrúsum . Á sunnudögum var þar damenwahl og  happyhour, þa lækkaði verðið á miðinum í klukkutíma og notfærðu sér það margir.

Elsta vændishúsi Hamborgar lokað

Járnfrúin

Maggie var frekar töff ráðherra, nagli og ekkert kvenlegt við hana. Endurreisti þjóðarstolr breta eftirminnilega með því að senda brezka flotann í Falklandseyjastríðið. Átök um eyjar þar sem ca 2000  manns búa, og engin raunverulegur hagnaður í boði, nema hugsunin um að engin treður heimsveldinu um tær. Samt töff kerling og vonandi nær hún sér.

Líðan Thatcher sögð þokkaleg

Æ nei, enn ein ævisagan

Verður eflaust bókin sem allir fá í 3-4 eintökum, metsölu- og metskilabók. Ekki nenni ég að lesa enn eina ævisöguna um, ja hvað ? Mér fannst Vigdís ekki það merkur forseti að það taki því  gefa út hennar ævisögu. Vænsta kona en sorry hef ekki áhuga.

Ævisaga Vigdísar haustið 2009

Erki Englendingur er víst til.

Colin Firth, Hugh Grant, ásamt David heitnum Niven eru svo hrikalega enskir eins og fólki finnst að þeir eigi að vera,  og Tony Blair ekta enskur pólitíkus. Hann orðar hlutina einhvern veginn svo enskt. Eitthvað sem amerikanar geta ekki.

„Erkienglendingurinn“ er goðsögn

Pabbadrengir ?

Voru þetta litlir strákar að leika sér ?

Bíll í Reykjavíkurtjörn

Getur stúlkukindin leikið ?

Miðað við fyrri afrek er öruggara að P.H leiki sjálfa sig, þá þarf hún ekkert að nota "heilann" .

Paris Hilton í My Name Is Earl

Indy klikkar ekki.

Myndirnar um Índjána-Jónas eru stórgóðar og hafa bara elst vel . Mætti pottþétt þegar sú nýja verður sýnd. Ungur frændi minn vann um tíma í 10-11 verzlunni í Austurstræti og lenti í að afgreiða Fordinn þegar hann skaust út af hótelinu í Aðalstræti að verzla sér kvöldsnarl. Frændi stamaði og tafsaði af feimni, en Harrison Ford klappaði honum á öxlina hughreistandi og brosti sínu fræga brosi.

200 milljónir horft á sýnishornið

Til hamingju með daginn Leðurfés........

Ég sá þessa mynd sem unglingur og hún verkaði sterkt á míg þá, óhugnaðurinn og niðurbútaðir líkamshlutar voru frekar skerí . Ógleymanleg var húsgagnasmíðinn hjá honum . Klassísk hrollvekja af beztu gerð.

Leatherface á afmæli í dag

Ljóskulegt

Dööööööööööööööööö...............Æ þetta er dálítið kjánalegt.

Ásdís Rán gæti unnið tugi milljóna

Prince charming........................

Þetta er dulítið furðulegt mál, varla hefur Beta bláa leyft að krúttið Harry væri í eldlínunni að þruma á Talíbana. Þriðji í erfðaröðinni og sem slíkur ómissandi. Nema hann hafi fengið að skjóta á varnarlaust fólk??  Ku vera býsna algengt í þessum heimshluta. Hans er hinsvegar eflaust sárt saknað af dömum Lundúnaborgar sem verða að skemmta sér án konunglegrar nærveru. Annars er ég  konungssinni og hlynntur að leggja niður lýðveldisfyrirkomulagið og fá konung. Af hverju ekki að bjóða honum krúnuna,  enda eflaust ólíklegt að hann taki nokkurn tímann við þó framarlega sé í röðinni á Bretlandseyjum .

Prinsinn tók þátt í bardögum