Grípum geirinn í hönd

Margra ára misrétti og misskifting auðs í landinu er undirrót ólgunnar í fólki. Þegar atvinnuleysið eykst og örvæntingin grípur marga er stutt í að hér geti hugsanlega skapast franskt ástand. Skyldi svo sem engan furða. Algjört ráðaleysi  ríkisvaldsins.  Glansmyndin var prjál og fals, auðkýfingar ulla á okkur sem situm eftir í skítnum. Spái ókyrrð og óróa á næstu mánuðum og sérstaklega upp úr áramótum. Minni á eldfimt ástand í kjaramálum, brostnar vonir, kaupmáttarskerðingu upp á kannske 20-30 prósent sem er eitthvað sem kemur við fjárhag heimilanna í landinu.   Við verðum að rísa upp á fæturnar og minna ráðamenn á okkur. Látum ekki leiða okkur beint á höggstokkinn eins og viljalausir sauðir, af misvitrum pólitíkusum sem hugsa meira um flokkshag en þjóðarhag.

Húsfyllir í Iðnó - hiti í fundargestum

Athugasemdir

[Guðmundur Ásgeirsson, 27.10.2008 kl. 23:05]

Lengi lfi byltingin!

[Héðinn Björnsson, 28.10.2008 kl. 00:16]

Við verðum að bera hag til að stýra landi okkar utan við borgarastríð það sem vel getur brostið á í svona ástandi. Nú er að byndast samtökum og taka aftur valdið í samfélaginu. Auðvaldið kann greinilega ekkert með það að fara. Þessi kreppa getur annaðhvort orðið upphafið að hörmungatímibili í sögu þjóðarinnar þar sem startaðist spírall fólksflótta, kjaraskerðinga og ófriðs, eða orðið tiltölulega ódýr bylting sem gerði okkur kleyft að fara friðsamlega í átt að réttlátara þjóðfélagi.

Munið að í litlu samfélagi munar um vinnu hvers og eins. Ef þið eruð tilbúin að myndast samtökum um að bæta samfélagið ykkar og leggja í það vinnu mun það hafa mikil áhrif í samfélaginu ykkar.

[Frikkinn, 28.10.2008 kl. 09:29]

Mikið  í því að samstaða geti bætt vort þjóðfélag á komandi mánuðum, en það sem ég er að meina er að misréttið og að það lifa raunverulega tvær þjóðir í landinu þar sem önnur er gersamlega veruleikafirrt og hefur engan skilning á því að lát aurana endast. Það er eldur sem kraumar undir og þegar atvinnulaust fólk sér enga aðra lausn en að mótmæla í verki ekki með kurteisislegu bréfi heldur með grjótkasti eða öðrum aðferðum það er raunverulegur möguleiki ´´a því. Spurning hvað kveikir neistann.