Gyðingar og nasistar

Það stendur ekki steinn yfir steini í málflutningi BNA-manna í þessum harmleik. Með sömu rökum má segja að Gyðingar beri sjálfir ábyrgð á Helförinni.

Segja Hamas ábyrg

Athugasemdir

[marco (IP-tala skráð) 27.12.2008 kl. 19:53]

?

[Ólafur Als, 27.12.2008 kl. 20:51]

Þessi rökleiðsla gengur vitanlega ekki upp. Gyðingar fóru ekki með ófriði á hendur Þjóðverjum eða öðrum þeim ríkjum, þar sem þeir bjuggu. Þeirra glæpur var að vera öðruvísi og halda í trú sína. Þrátt fyrir að sumir þeirra hafi komist til álna í heimalöndum sínum, bjó stærstur hluti þeirra við kröpp kjör, enda bjuggu þeir við n.k. "apartheid" um aldaskeið (stundum stutt af kirkjunnar mönnum, kaþólskum og mótmælendum) og þeim jafnan meinað að komast áfram í þeim löndum sem "hýsti" þá. Reyndar bjuggu Gyðingar við ofsóknir um aldir og ef skoðuð er saga Evrópu, allt frá tímum Rómverja, má finna síendurtekin dæmi um morðherferðir á hendur þeim. Ein sú stærsta átti sér stað í Rússlandi á nítjándu öld og er kennd við Progrom. Hún er þó væntanlega ekki jafn stór í sniðum og útrýmingarherferð Nasista um Evrópu þvera og endilanga.

En harmleikur er þetta, fyrir alla almenna borgara á þessu átakasvæði en segja má að nú hafi ríkt þarna stríð í yfir 60 ár og lengur ef með eru talin átökin fyrir stofnun Ísraelsríki árið 1948.

[Kristinn Sigurjónsson, 27.12.2008 kl. 21:35]

Það gefur manni ekki rétt til að berja annan að maður hafi verið barinn.   Við megum ekki gleyma því að Ísrael var ekki þarna (síðustu 2000 árin), landið var tekið af Palestínumönnum og þeir hafa aftur og ítrekað tekið meira land og bútað sundur land Palestínumanna, og eiga þeir bara að þakka fyrir sig.

[Ólafur Als, 27.12.2008 kl. 22:39]

Enn ein mannvitsbrekkan að tjá sig af vanþekkingu á sögu þessa landsvæðis. Palestínumenn hafa ALDREI átt þetta svæði í þeim skilningi sem um ræðir. Við tillögu að skiptingu SÞ áttu Gyðingar 6% eignarhlut landsins en Arabar um 14% - restin var eyðimörk og einskismannsland. Gyðingar voru stærstur hluti íbúa Jerúsalem og Arabar könnuðust t.d. lítið við mikilvægi borgarinnar í trúarlegum skilningi, alla vega þá. Reyndar voru Bretar með yfirráð á svæðinu, eftir að hafa tekið ráðin af Tyrkjum eftir fyrri heimstyrjöldina.

Hvað rétt manna til þess að berja mann, hafi maður verið barinn sjálfur, þá nenni ég nú ekki að taka þátt í svona barnaskap. Hið kristna viðhorf að rétta hinn vangann er ekki hluti af hugmyndafræði Gyðinga eða Múslima og ef grannt er skoðað, efast ég um að það sé raunveruleg sýn KS. Eða ætlast KS til þess að einstaklingur hafi ekki rétt til þess að vernda hendur sínar? Örugglega ekki. Þess vegna er upphafssetning KS hjóm eitt. Sverðið er það tungumál sem viðgengst á þessu stríðshrjáða landsvæði og áður en siðaðra manna viðhorf komast þar að, mun þurfa að uppræta þau hatursöfl sem ala á úlfúð og sundrungu.

[Sigurður M Grétarsson, 28.12.2008 kl. 02:00]

Ólafur. Þó Palestínumenn hafi ekki verið með sjálfstætt fullvalda ríki samkvæmt núverandi skilningi þess orðs þá höfðu þeir búið þarna og nýtt landið mann fram af manni öldum saman. Þeir eru því og voru réttmætir eigendur þessa lands. Það að land þeirra hafi verið undir yfirráðum annarra landa berytir eingu þar um. Við Íslendingar áttum Ísland hér á öldum áður þó það hafi verið undir dönskum yfirráðum.

Samlíkingin við mann, sem hefur verið barin lengi er ekki neitt óeðlileg því ástæðan fyrir árásum Palestínumanna á Ísraela er súj að Ísraelar hafa stolið landi þeirra og kúgað þá með villimannslegri grimmd áratugum saman. Ef maður er barinn nógu oft og nógu illa endar með því að hann lemur á móti. Það er ástæða þess að Palestínumenn eru að berja á hinu grimma hernámsveldi Ísrael.

[Sigríður Bryndís Baldvinsdóttir (IP-tala skráð) 28.12.2008 kl. 03:40]

......mun þurfa að uppræta þau hatursöfl sem ala á úlfúð og sundrungu segir þú ólafur 1/2 viti = uppræta Zionista !! Vona að það takist já!!!

Helför smelför, það var stríð, og enginn matur! Annað er áróður ykkar Zionista hálfvita! Sannar það bara enn og aftur að það fer alveg eftir hver skrifar ævisögu þína hvernig hún verður!

Það er ekki neitt verra að drepa gyðinga í stríði frekar en aðra þó að bandaríkin segi annað, vegna hagsmuna. PENINGA!!!!!

[Ólafur Als, 28.12.2008 kl. 08:50]

Það er glæsilegt Sigurður, að þú hafir skoðanasystkyn í röðum fólks á borð við Sigríði Bryndísi Baldvinsdóttur. Glæsilegt!!!

[Frikkinn, 28.12.2008 kl. 09:51]

Ef fólk spáir í fréttaflutning af svæðinu, þá er hann ansi vilhallur Ísraelum. Þeir eru alltaf að hefna árása, en hinir að gera hryðjuverkaárásir. Í morgum var helsta fréttin frá Gasa að Ísraelar ætli að hætta árásum þegar hinir hætti. Og hvenær verður það og hvor ætlar að hætta fyrst, meðan þeir treysta ekki hvor öðrum þorir hvorugur að stöðva árásir á hinn.  Þetta er vítahringur sem hvorugur kemst út úr.

[þorvaldur þórsson (IP-tala skráð) 28.12.2008 kl. 18:24]

Ólafur:Við tillögu að skiptingu SÞ áttu Gyðingar 6% eignarhlut landsins en Arabar um 14% - restin var eyðimörk og einskismannsland.

Var þetta sérfræðiálit einhverrar matvitsbrekku sem var af Gyðingaættum??? Voru allir ólífuakrar Palestínumanna (sem hafa nær allir verið þurrkaðir út í dag af Ísraelsmönnum) taldir vera eyðimörk eða hvað?? Hvað með alla smábæina sem voru á vesturbakkanum eða Palestínsku bæina sem voru á svæði sem Ísraelsmenn sölsuðu undir sig stuttu eftir 1949. Þar fóru ísraelskir hermenn myrðandi og rænandi um bæi og myrtu stundum hundruði manna og hótuðu hinum að ef þeir kæmu til baka yrðu þeir allir drepnir. Voru þessi svæði   líka skilgreind sem eyðimörk? Var það gert fyrir eða eftir að Palestínumenn voru hraktir þaðan. Ég held að þú Ólafur sé blindaður af Zíonimsma og sjáir ekkert nema gott í Ísraelsmönnum og ekkert nema slæmt í Palestínumönnum. Það er alveg rétt að það er mikið um öfgaöfl í Palestínu núna en er það furða erftir þá skefilegu meðferð sem þeir hafa hlotið af höndum morðóðra Ísraelsmanna.

[Ólafur Als, 28.12.2008 kl. 19:50]

Þorvaldur: þetta var mat sérfræðinefndar, að ég held á vegum SÞ í aðdraganda þeirra tillagna sem gerðu ráð fyrir tvískiptingu lands á milli Gyðinga og Palestínuaraba - þeirri tillögu var hafnað af hálfu Arabalanda en Gyðingar samþykktu, með semingi þó. Reyndar litu Gyðingar svo á að þeim hefði verið lofað mun stærra landsvæði á grunni Balfour samþykktarinnar, en stofnun Trans-Jordans, síðar Jordans, kom í veg fyrir allt slíkt. Einnig að Palestínuarabar fengju stærra land undir sitt ríki en eðlilegt hefði verið að þeir fengju land austur fyrir línuna sem skilur að Vesturbakkann og Jórdan.

Illverk voru framin af hálfu hryðjuverkasamtaka Gyðinga en einnig Araba, fyrir stofnun Ísraelsríkis og er vandséð hvor aðilinn var stórtækari í þeim efnum. Mig grunar þó að framan af hafi blóði Gyðinga verið úthellt í mun meira mæli. Stríðið um sjálfstæði Ísraels réði því að vopnahléslínan, sem um var samið á Kýpur árið 1949, eru nú því sem næst landamæri Ísraels.

Öfgaöflin hafa verið til beggja vegna alla tíð. Eftir því sem Islamistum hefur vaxið ásmegin síðari ár hefur hryðjaverkasamtökum á borð við Hamas og Al-Aqsa aukist fé og kraftur. Núverandi ástand, þar sem Ísrael hefur eflst á flestum sviðum, hefur ekki bætt ástandið. Það er löngu kominn tími til þess að Palestínumenn fái stofnað sitt eigið ríki en það er nú einu sinni svo að ef Ísraelar væru því algerlega andsnúnir gætu þeir hafa komið í veg fyrir stofnun heimastjórnarinnar og allra tilrauna í átt til sjálfstæðis þeirra.

Það er hvergi til á jarðkringlunni það ríki sem myndi umbera vopnaðar árásir eins og þær sem hafa beinst að Ísrael í nútíð og þátíð. Hvergi. Sum ríki hefðu brugðist mun harðar við og ekki einu sinni tekið í mál að leyfa stjórnmálastarfsemi afla sem hafa á dagskrá sinni gereyðingu eins ríkis. Slíkt er þó Islamistum þóknanlegt og stutt af sumum ríkjum, m.a. Íran.

Reyndar máttu kalla mig Zionista ef þú vilt. Ég tek því með ró enda fól það í sér að Gyðingar gætu stofnað eigið ríki fyrir botni Miðjarðarhafs. En úr því að ég styð einnig stofnun Palestínuríkis máttu kalla mig öðrum góðum nöfnum.

Frikkinn: Einmitt! Hvað er til ráða, til þess að rjúfa vítahringinn? Eins og ljóst má vera, eru öfl beggja megin sem vilja ekki frið. Ég tel að þau séu mun veikari í Ísrael, enda er þrátt fyrir allt lýðræðislegt ferli sem einkennir stjórnskipunina í því landi. Almenningur í Ísrael er fylgjandi friðarferli og vonast eftir friði með nágrönnum sínum, líkt og þeir Palestínuarabar, sem ekki hafa ánetjast áróðri Islamistanna. Ef á að hafa skilning á reiði og vonbrigðum Palestínumanna, og að sama skapi viðurkenna rétt þeirra til vopnaðra átaka, hvað má þá segja um rétt Ísraelsmanna til þess að búa við öryggi í eigin landi? Hvar á að draga mörkin? Mega þeir einungis nota hluta vopna sinna? Eiga þeir að bíða þess að eldflaugarnar hitti betur og drepi fleiri Ísraelsmenn?

[Frikkinn, 28.12.2008 kl. 20:03]

Held að helsta vandamál Ísraela sé óstöðugt stjórnmálaástand innanlands þar sem þarf yfirleitt að semja við öfgamenn úr röðum gyðinga  um stuðning við ríkisstjórnir til að  verja þær falli. En hatrið milli deiluaðila er orðið of mikið til að hægt sé að sjá einhverja lausn.