Farið að hlusta

Held að Íslenzk stjórnvöld ættu að fara hlusta á hjartsláttinn í þjóðinni. Ekki endilega vegna Palestínumálsins, heldur vegna þess að það á eftir að sjóða upp úr, spurning um hvenær. Og þá með óvæntum afleiðingum

Hvítskúrað stjórnarráð

Athugasemdir

[Hulla Dan, 12.1.2009 kl. 12:57]

Held að þú hafir BARA rétt fyrir þér.
Ekki spurning um hvort, heldur hvenær.

[Jóhann Pétur Pétursson, 12.1.2009 kl. 13:02]

Hvernig væri nú að þessum lögbrotum linni og að fólk léti sér nægja að mótmæla á löglegan hátt? Skemmdarverk, ofbeldi og annað sem að fámennur hópur fólk virðist beita eru lögbrot og eru engum málstað til framdráttar. Eftir því sem að mótmælendur nota meiri málningu, beita meira ofbeldi samanber innrásina inn á hótel Borg, þeim mun minni líkur held ég að verði til þess að mótmælendur nái einhverju fram, burtséð frá því hver málstaðurinn er.

[Oskar Steinn Gestsson (IP-tala skráð) 12.1.2009 kl. 16:36]

Johann Petur, mótmæltu bara sjálfur á þinn hátt og leyfðu okkur að mótmæla á okkar hátt, ok? Við erum ekki að gera þetta í þínu nafni!

[Gardar Petursson (IP-tala skráð) 12.1.2009 kl. 17:13]

Nei, þið eruð kannski ekki að gera þetta í hans nafni. En þið eruð að gera þetta á hans kostnað.

[Frikkinn, 12.1.2009 kl. 19:30]

Þjóðfélagið er að klofna  í tvo aðskilda hópa, og þeim hlýtur að ljósta saman. Samanber  við Borgina .

[Jóhann Pétur Pétursson, 12.1.2009 kl. 21:58]

Óskar, ykkur er algjörlega frjálst að brjóta lög í nafni einhvers málsstaðar ef ykkur þóknast svo, en það er mín ósk að lögreglan í þessu landi fari að framfylgja íslenskum lögum. Lögbrot, alveg sama hver málstaðurinn er, er lögbrot. Það gilda engin sérstök lög um fólk sem að er að koma mótmælum sínum á framfæri. Kannski stofna ég til mótmæla í mínu eigin nafni undir slagorðinu "Í steininn með lögbrjótanna". Það er á hreinu að það verður engri málningu og engum eggjum kasta í þeim mótmælum og enginn í þeim mótmælum verður sá heigull að hylja andlit sitt.