Samfélagsþjónusta

84 mínútur í fangelsi er bara kjaftæði, en vá prímadonnan í samfélagsþjónustu í líkhúsi. Ég skora á dómstóla landsins að taka upp óvenjulegar refsingar í  staðinn fyrir fangelsisvist  t.d  að sópa miðbæinn eftir helgarnar, taka vaktir á núllinu nú svo mætti nota gapastokk á góðviðrisdögum. Ætli viðhorfið væri ekki fljótt að breytast hjá fólki sem lenti í svoleiðis . Annars held ég að dómar hjá bandarískum dómurum  séu ekki til eftirbreytni allaveganna því sem snýr að samfélagsþjónustu .

Lindsey Lohan í líkhúsið

Skrambans svíarnir

Þetta eru skelfileg úrslit, algjört hrun í seinni hlutanum. Alfreð hlýtur að eiga eitthvað upp í erminni upp á framhaldið, ég kalla eftir leynivopninu sem talað var um.

Svíar sigruðu

Þvæla

Einu sinni var í Giessen velþekkt geðsjúkrahús, félagsmálayfirvöld þar vilja máske forðast mistök fortíðar ? Þetta getur ekki verið satt í alvörunni , Síbería var fangelsi keisarans og rauðu herranna , en ekki á árinu 2008. Hver er svo ómennskur að taka unglinga í þrælavist ?

Unglingur sendur í betrunarvist til Síberíu

Blessuð umferðin

Alveg er það stórmerkilegt hvað margir gleyma hvernig á að aka í snjó, bara keyrt eins og um sumar. Nú eða á vanbúnum bílum að þybbast við að komast áfram. Svo er alltaf gaman að sjá snjóhúsin á ferðinni, sérstaklega þegar allt rennur niður framrúðuna og ökumaðurinn fær hland fyrir hjartað, sá svoleiðis  í dag  hjá einum á fyrirtækisbíl þegar hann stoppaði á ljósum. En það er dáldið adrealin kikk að keyra í slæmu færi ekki satt.......

Stóráfallalaust þrátt fyrir þunga færð

Hahahahahha

Þetta er nú bara fyndið................ en minnir mann á söguna um einstæðu móðurina í fjölbýlishúsinu.Og ekki bijða mig um að skrifa hana á þessum vettvangi

Titruðu af ótta

Skrítnir drykkjusiðir.

 Þessi hefur eflaust vaknað í dag með græna púkann eftir nóttina. Ég ók  leigubíl í nokkur ár og kynntist næturmenningunni vel og sá margar hliðar á fólkinu, oftast barasta gott og skemmtilegt fólk sem maður ók  í allskonar ástandi, en eitt fannst mér furðulegt við það að aka fólki úr heimahúsum og niður í miðbæ, ótrúlega margir karlmenn byrjuðu á að kasta af sér vatni um leið og þeir komu út úr heimahúsi áður en þeir settust  inn í bílinn, í blómabeð eða inn á milli trjáa, við útidyrnar eða hreinlega út á götu.

Gekk berserksgang í Vesturbænum

Hvaða árangur ?

Gott mál að snautast heim með rófuna milli lappanna, en hvernig ætlar maðurinn að útskýra það fyrir fjölskyldum hermanna sem hafa látist því þetta er ekkert nema fínt orð yfir uppgjöf og ósigur.

Bush: Von vaknar á ný í Írak

Tvískinningur bareigandans

Er þetta ekki dæmigert fyrir marga, engin virðing borin fyrir lögum og reglum. Það segir mér engin fyrir verkum hugsunarháttur ? Bareigandinn ætlar að hafa sitt í gegn með góðu eða illu, snúa á lögin en ætlast til þess í leiðinni að þeir sömu menn sem eru að gera athugasemdir við að reykingabann sé ekki virt, komi honum til hjálpar þegar gestirnir fara ekki eftir reglum sem bareigandinn setur innandyra.....semsagt vill þjónustu löggjafans en ekki fara að lögum 

Yfirvöld geta ekki gert neitt

stríðsdagbók

Mér dettur í hug bókin Minningarbók íslenskra hermanna sem gefin var út í Winnipeg 1923 og er nánast ófáanleg, þar eru æviágrip íslendinga sem tóku þátt í fyrra heimsstríði, bæði í kanadíska og bandaríska hernum, margir þeirra fæddir á Íslandi og vildu sýna nýja landinu tryggð og hollustu. Það var meira segja stofnuð sérstök herdeild sem nefndist 223. herdeildin, og voru í henni margir íslendingar sem bjuggu í Manitoba, meira segja var yfirforinginn íslenskur.En í bókinni kemur skýrt fram hve margir áttu við vanheilsu að stríða lengi af völdum ófriðarins,einnig eru taldir þeir upp sem áttu ekki afturkvæmt af blóðvöllum Frakklands.

90 ára gamalt blogg úr skotgröfunum

Jól í Austurvegi

Mezzur í Rétttrúnaðarkirkjunni geta tekið allt að fjórar klukkustundir og fólkið stendur allan tímann, þær geta því verið mikil þolraun á fætur og bak,  en ákaflega fróðlegt að fylgjast með framandi siðum, fyrir þá sem vilja.......

Kafað eftir krossi á jólum