Gott á NATO

Mjög skiljanleg aðgerð hjá þessum skæruliðum, enda er Nato ekkert annað en hernámslið í Afganistan. Varla getur NATO réttlætt það að vera "frelsa" Afgana sem neita allra ráða við að losna við þá úr sínu landi. Skil ekki að ungir menn frá vestrænum þjóðum sjá mikinn tilgang í þessu stríði.

Brenndu á annað hundrað flutningabíla

Flatkaka með hangikjöti.

Alltaf gaman að hlusta á karpið hjá landsfeðrunum, en að sama skapi ömurlegt að hlusta á málflutningin t.d í Ingibjörgu í þessum skrifuðum orðum. Hún er gjörsamlega búin að gera upp á bak, og maður hefur á tilfinningunni að hún sé að berjast við flokksbræður sína um leið. Vonandi að þessari ótugtarstjórn verði sparkað út úr stjórnarráðinu strax í kvöld. En takið eftir því að Björgvin er fjarverandi, sá sem vill kjósa , er að erinda fyrir Ingibjörgu, sendur í örugga fjarlægð svo hann ruggi ekki bátnum.  Sic manni verður flökurt á þessari matreiðslu .

Hefur almenning ekki með sér

Samantekin ráð hverra ?

Einhvern veginn finnst mér að það sé að undirlagi stjórnvalda sem löggan verði blóraböggull, reiðin beinist að lögreglunni en ekki stjórnvaldinu. Reyna að beina athyglinni að krakkakjána sem tilheyrir Saving Icelandhópnum, og þar með frá Alþingishúsinu og því sem það stendur fyrir . Ingibjörg Sólrún þykist ekki vilja kosningar en á eftir að koma eins og frelsandi engill og slíta stjórnarsamstarfinu, og kannske er hluti af því  orð hennar um VG til að koma í veg fyrir þann stjórnamöguleika. Nei kæru Íslendingar hér er þörf fyrir BYLTINGU, ef ekki friðsamlega þá tekur alþýðan málin í sínar hendur og hvað gerist þá ? Byltingu meina ég sem algeran uppskurð á þjóðfélaginu og draga menn til ábyrgðar. Það er vonandi að stjórnvöld gefi þjóðinni þá afmælisgjöf í 90 ára fullveldisafmælinu 1. Desember næstkomandi, rjúfa þing, boða kosningar, taka ábyrgð, og víkja sæti. Fara í algera naflaskoðun.

Sagt frá mótmælunum erlendis

Skallagrím sem forsætisráðherra já takk.

Aldrei þessu vant held ég að Steingrímur hafi rétt fyrir sér í þessu máli. Uppgjöf var og er niðurstaðan í Icesave-málinu og eflaust fáum við harkalega lendingu í því, þökk sé Haarde og Hárlausu konunni. Vinstri á móti hafa hafa oft verið gagnrýndir fyrir að vera á móti öllu og er það vel. En ég sting upp á Steingrími J S í fúlustu alvöru sem "stríðs"forsætisráðherra sem mun leiða þjóðina í gegnum þrengingarnar, síðan   getum við hent honum á ruslahaug sögunnar þegar það versta er yfirstaðið. Slíkir karakterar eru yfirleitt ekki vinsælir við venjulegar aðstæður, en það eru ekkert venjulegar aðstæður í augnablikinu. Hann hefur gæddur öllum þeim eiginleikum sem slíkur ráðherra þarf að vera, staður, þrasgjarn og lætur ekki valtra yfir sig, nú svo er maðurinn afburða mælskur og sennilega engin núverandi þingmaður sem kemst með tærnar þar sem hann hefur hælana.

Lengi getur vont versnað

Við höfum engu að tapa. Allt að vinna

Akkúrat það sem við þurfum EKKI. Ekki flokk sem hugsar með klaufunum. Heldur vantar verkalýðssinnaðan flokk sem hefur hagsmuni alls vinnandi fólks að leiðarljósi og er ekki smitaður af brottgengum pólitíkusum sem fórna öllu fyrir gott sæti fyrir sjálfa sig. Nei hér vantar flokk sem berst fyrir okkur sem höldum þessu þjóðfélagi uppistandandi, flokk sem ætlar sér að ná áhrifum og vera marktækur fulltrúi verkalýðs í landinu á Alþingi, ekki gera núverandi verkalýðsforingjar neitt fyrir okkur sem viljum breytingar. Skiftir engu hvað hann er kallaður, sósalistar, kommar, þjóðernissinnar, sjálfstæðismenn, frjálslyndir,  við þurfum breiðsíðu vinnandi fólks, ekki blýantsnagara sem brugðust.  

Framfaraflokkurinn stofnaður á næstu dögum

Svikamylla "verkalýðsforingjans"

Þarna mun Gunnar Páll væntanlega beita gömlu bragði sem hefur tíðkast á óánægða félaga í verkalýðsfélögum, hann fær einhvern meðreiðarsvein sinn til að koma með frávísunartillögu á tillögu óánægðra og þá verður greitt atkvæði um frávísunartillöguna en ekki hina. Virkar flókið en þessu bragði er ætlað að rugla gemlingana í kollinum. Og ALLTAF er frávísunartillagan samþykkt. Þetta var notað ótæpilega innan gömlu Dagsbrúnar til að traðka á óánægðum verkamönnum, og varla er það öðruvísi innan VR.  Vitið til , við lesum um það á morgum að frávísunartillagan var samþykkt, sorglegt en svona virkar samtryggingarkerfið hjá "verkalýðsforingjunum" ..Fundurinn er að hefjast og þetta verður nánast örugglega niðurstaðan.

Fjölmenni á VR fundi

War cabinet

Það eru mýmörg dæmi um að þjóðir þurfi "stríðs"forsætisráðherra á erfiðleika tímum, það þarf ekki endilega vera sá hæfileikaríkasti undir eðlilegum kringumstæðum. Ólíklegustu menn hafa staðist pressuna sem fylgir því að taka við í skipbroti. Burt með ónytjunginn við Arnarhól.

Formaður SA: Þurfum skipstjórn sem segir okkur hvert við stefnum

Fullseint að iðrast..............

Mér þykir fullseint hjá BÚSS að sjá eftir þessum orðum við lok valdaferils, þegar 4OOO þúsund bandarískum mannslífum og 100-150 þúsund Íröskum  hefur verið fórnað eftir þessi ummæli. Það gerir það að verkum að Obama á erfitt með að bakka út úr Íraksstríðinu. Hvernig ætlar hann að sannfæra kjósendur eftir 4 ár að Bandaríkin hafi þá ekki tapað stríðinu og fórninar verið til einskis, samanber Víetnam. Það er að segja ef þeir verða þá ekki enn í Írak sem maður reiknar fastlega með og hvað verður fórnin orðin stór þá ?

Bush iðrast orða sinna

Megi rauðir fánar blakta 8.nóvember 2008

'i dag er 8. nóvember 2008, en á morgum 9.nóvember eru 76 ár síðan bláfátækir verkamenn risu gegn bæjarstjórn Reykjavíkur og höfðu betur í slagnum við lögregluna. Minnumst þeirra þegar við mótmælum bágum kjörum og vondu árferði. Gúttóslagurinn 1932 ætti að vera valdhöfum þessa lands aðvörun um það sem getur gerst þegar fólk fær nóg af ráðaleysi og kúgun, megi rauði fánar blakta.

Eggjum kastað í Alþingishúsið

Lýðskrumari

Hann er engu að síður afburðafær lýðskrumari og ekki vízt að hann verði góður forseti. Hvað þá hagstæður okkur Evrópubúum.

Forystuhæfileikar Obama