Er að missa marks.

Þarna vantar einhverja gulrót til að fá fólk til að mæta, mér er næst að halda að sumir mæti vegna persónulegrar aðdáunar á Herði sem söngvaskáldi, titill sem hann á með réttu. En þarna verður eitthvað róttækt að gerast til að mótmælin eigi að vera marktæk. SI- hópurinn er greinilega að fá miðdegislúrinn sinn eins og öll hin pelabörnin, svo ekkert verður grjótkastið eða eggjakastið þennan Laugardaginn. Þessi aðferð er farin að  minna á ASÍ-mótmæli,  kurteisis hjal , afhending á mótmælaskjali og svo gerist ekkert.

Legg til að fundaforminu verði breytt í t.d göngu frá  Hlemmi og endað með útifundi. Kannske virkar það eitthvað trúlegra. Fá alvöru ræðumenn sem geta virkjað fólk til aðgerða og sýna valdhöfum þessa lands hvað hugur vor vill. Eftir áramót fer örugglega að hitna í kolunum

Nokkur hundruð á Austurvelli

Athugasemdir

[Heidi Strand, 27.12.2008 kl. 16:20]

Það verður mótmælagöngu á gamalársdag frá stjórnarráðinu.

[Rúna Vala, 27.12.2008 kl. 16:21]

Ég er sammála með gönguna og eins frábær og Hörður er, þá held ég að hann þurfi að fá einhvern yngri, einhvern sem nær betur til yngra fólksins, til liðs við sig. Það þarf að ná til fólks úr öllum þjóðfélagshópum og öllum aldurshópum. Svo finnst mér að ræðurnar ættu að vera túlkaðar á táknmál, en það er kannski bara ég.

[Frikkinn, 27.12.2008 kl. 16:48]

Góð hugmynd Rúna, með táknmálstúlk.  Það vantar einhvern drifkraft í hópinn , einhver sem já nær til allra og getur virkjað fólk.

Heidi, hvert á að ganga á gamlársdag '

[Baldur (IP-tala skráð) 27.12.2008 kl. 18:24]

Hörður höfðar ekki til flestra, það er staðreynd.  Hann er einfaldlega ekki sá leiðtogi sem fólk vill fylgja.

[linda (IP-tala skráð) 28.12.2008 kl. 08:34]

Hvað er að ykkur? Þetta er ekki um Hörð eða hvort þetta sé skemmtilegt, ræðurnar góðar eða aldur fólks. Þetta er um grafalvarlegt ástand fjölskyldna í landinu sökum spillingar og aðgerðarleysis.

Ef það á að fara að röfla um hvernig er réttara að mótmæla þá er ég hrædd um að mótmælin fari fyrst að missa marks. Hættið að væla og gerið eitthvað. Eða, ef þið eruð svona æðisleg, takið að ykkur verkefni sem ykkur finnst vanta.

[Rúna Vala, 28.12.2008 kl. 16:41]

Ég vildi að ég gæti túlkað ræðurnar, en ég er ekki táknmálstúlkur ennþá...