Hvað gerðist síðast þegar við kusum ?

Svona í framhaldi af pælingum um þessa "ríkisstjórn", þá fer maður ósjálfrátt að velta fyrir sér hvort efnahagsástandið 2006-7 hafi haft þau áhrif á okkur kjósendur að atkvæði dreifðust svona illa að það eru ekki margir góðir  kostir í stöðunni. Í Sveitastjórnarkosningingunum  2006 þá kom upp svona pattstaða í Víkinni(Reykjavík) margir kostir og allir vondir, sveitastjórnir um allt land hafa fallið eins strá í slætti. Sama staða á Alþingi. Enginn sterkur flokkur eða lykilstaða neins flokks. Ósamkomulag allsstaðar í sveitastjórnum og þingi. Kannske var góðærið að blinda okkur öll og við kusum ekki af skynsemi, heldur af fljótfærni vegna þess að við vorum upptekin af einhverju öðru en að velta fyrir okkur af alvöru hverjir stýrðu Þjóðarskútunni og hvernig . Kusum í hvelli og flýttum okkur svo út að taka þátt í kaupgleðinni sem þjakaði okkur öll.