Klukkan hvað ?

Þessir ágætu menn sem vilja flýta og seinka klukkunni geta barað vaknað fyrr ef þetta er þeim hjartans mál. Ég var í siglingum í nokkur ár og það var sífellt verið að hringla með tímann og eftir þá reynslu er ég gjörsamlega andvígur svona krukki. En það mætti alveg færa klukkuna fram um eina klukkustund og hafa hana þannig framvegis puntur og basta.

Myrkir morgnar en björt kvöld

Jörundur hundadagakonungur

Það er greinilegt að þekking anarkista á Jörundi hundadagakonungi er sorglega lítil. Valdanám hans snerist um verzlun fyrst og síðast og hafði ekkert með stéttajöfnun eða einstaklingsfrelsi að gera enda nánast óþekkt hugtök á þeim tíma. Engu að síður var hann hinn merkilegasti maður, þó hann ætti við þunglyndi og spilafíkn að stríða seinna á lífsleiðinni. Hann myndi örugglega snúa sér við í gröfinni ef hann vissi að menn uppi á Íslandi væru að misnota minningu hans.

Skar íslenska fánann á Stjórnarráðinu

Flautuborgarstjóri.

Það er kannske illskárra að íhaldið í Reykjavíkinni skaffi borgarbúum borgarstjóra með flautu. En og aftur segi ég, mikið er ég feginn að búa ekki í Víkinni. Skrípaleikurinn er að ná hámarki.

Hanna Birna oddviti strax

Dúfan, hún dritar.

Guðni klikkar ekki á frösunum, og orðheppninni. En það dugar skammt þegar litið er til afreka hans í ríkisstjórn, þá var hann duglegur að HLUSTA ekki. Stjórnmálamenn eru eins og dúfurnar, éta úr lófanum þegar kosningar nálgast en skíta svo á mann þegar þeir komast upp á hið háa Alþingi. En hann gæti snúið sér að ritstörfum og gefið út málsháttabók.

Ríkisstjórn brostinna vona

Valdatafl í Valhöll.

Manni dettur helst í hug að Guðlaugur Þór fái borgarstjórastólinn, enda staðið sig vel sem ráðherra. Annars er ómögulegt að átta sig á hvaða fléttu Geir ætlar að flétta, en varla fá núverandi borgarfulltrúar að spreyta sig enda gjörsamlega rúnir trausti borgarbúa og flokksforystunnar.  En eins og ég hef alltaf sagt, mikið er gott að búa ekki í Víkinni.

Borgarstjóri mun leiða

Þarmagustur ráðherranna

Geir Haarde og Ingibjörg S.G eru  einungis að kasta ryki í augu almennings með þessari aðgerð. og beina sjónum manna frá vandamálinu, sem sagt efnahagsvandanum og aðgerðaleysi sínu  þar. Og reyna lappa upp á óvinsæla ríkisstjórn. Þyrla upp skýi með vindgangi sem leynir innihaldsleysinu.

Eftirlaunalög Alþingis verða felld úr gildi

1.Maí frídagur hins vinnandi manns

Í dag eru 85 ár síðan fátækir verkamenn í Reykjavík sameinuðust í fyrstu 1.maí göngunni og eru það ansi merkileg tímamót. Verkafólki hlakkaði til dagsins þegar allir fóru í kröfugöngu , veifuðu rauðum fánum og sýndu sig og sáu aðra. Verkafólk á Íslandi var að vakna til stéttarvitundar á þessum tíma því það áttaði sig á því að sameinað var það sterkara í átökum við gráðuga og ósvífna atvinnurekendur,alls kyns burgeisa og eigendur togara sem hikuðu ekki við að hunsa allar reglur og samninga. Á kreppuárunum urðu miklar vinnudeilur í tengslum við losun skipa, gúttóslagurinn í Reykjvík 1932 þegar verkamenn yfirbuguðu lögregluna og óttuðust margir að kommúnistar tækju völdin í framhaldi af því , Novu deilan á Akureyri, og síðasta stóra alvöruverkfallið 1955 .Aðgangur verkafólks að foringjum sínum var greiður og hægt að ganga að þeim vísum og fólk vissi að hjartað var á réttum stað.  Síðan hefur mikið vatn runnið til sjávar innan verkalýðsfélaganna, í dag eru verkalýðsskrifstofur orðnar stofnanir þar sem það er ekki nokkur leið fyrir vinnandi fólk að ná sambandi við forystuna í glerhöllum sínum. Í gömlu Dagsbrún féll stjórn félagsins í kosningum og ný tók við árið 1942 svokölluð rauða Dagsbrún sem situr enn við völd í einu af stærstu félögum landsins nefnilega Eflingu. Þar hafa Dagsbrúnar menn töglin og haldin í öllu, sitja þar og velta sér upp úr sjóðum vinnandi fólks, langt frá raunveruleika hins vinnandi manns. 66 ára valdaseta þætti jafnvel á mælikvarða dagsins í dag of löng valdaseta og þætti bera keim af græðgi og einræði. Þarna inni eru milljarðar í sjóðum sem engin hefur aðgang að nema þeir einir. Það eru einstaka brauðmolar sem falla af borðinu til að reyna hafa lýðinn góðan . 1.Maí ræður eru fjálg orð sem hafa enga þýðingu og síðan er haldið kaffisamsæti fyrir greiðendur félagsgjaldanna og svo gerist ekkert. Ekki tekst þeim að skila mannsæmandi kjörum fyrir greiðendur félagsgjaldanna, því afsökunin er sú að lengra verður ekki komist, og bent á "rauð strik" sem einhver töfraorð eða lausn. . Hvert klúðrið á fætur öðru í samningum við atvinnurekendur segir allt sem segja þarf,  og nýjasta floppið eru svo nýgerðir kjarasamningar.  Í sumum Evrópulöndum er frídagurinn hnýttur við helgar og fólk fær 3.daga  helgarfrí í staðinn og er það vel. Svona er 1.maí í dag hjá íslensku verkafólki í dag. Til hamingju með daginn verkalýður landsins, megi barátta okkar skila meiru í pyngjuna á komandi árum. Og burt með valdhafanna í glerhöllunum sem eru byggðar fyrir peningana okkar.

 

Er hann að segja ósatt. ?

Ok samúð mín er með bílstjórunum, en skrítið samt að Sturla sagist varla kannast við árásarmanninn en vissi samt ýmislegt um heilsufar hans. Skrítið.

Sturla: „Ekki á okkar ábyrgð"

Samtök flutningaverkamanna

 

 Þarna gæti gamall draumur verið að rætast nefnilega samtök flutningaverkamanna , þetta eru einhver sterkustu samtök verkafólks erlendis sem þekkjast.Þar hefur margoft afgreiðsla íslenskra skipa verið stöðvuð af hafnarverkamonnum þegar vinnudeilur eða verkföll farmanna hafa staðið yfir hér heima. Þetta var lengi draumur hafnarverkamanna við höfnina í Reykjavík við litla hrifningu verkalýðshreyfingarinnar, vegna þess að ef þeir hefðu horfið úr gömlu Dagsbrún og stofnað sín eigin samtök þá hefði Dagsbrún verið eins hættuleg og tannlaust ljón. Slík samtök með þáttöku sendi- og vörubilstjóra, hafnarverkamanna,sjómanna og allra sem starfa við flutninga gætu orðið gífurlega sterk. Það má lama alla flutninga og afgreiðslu í einum vettfangi. Þetta var undirrót átakanna í Dagsbrún og átti stóran þátt í atlögum sem gerðar voru að stjórn félagsins á niunda áratug 20. aldar. Samtök flutningaverkamanna gætu orðið hugsanlega slátrað eiginhagsmunagæslu þeirra sem í dag sitja við völd í verkalýðshreyfingunni, og ferskir vindar loksins leikið um íslenskt verkafólk.  Ekki veitir af.

Stofna hagsmunasamtök

Spaug dagsins.

Mér hefur alltaf fundist skemmtileg sagan sem gekk eftir leiðtogafundinn í Reykjavík 1986 þega Gorbasjov og Reagan hittust. Var þannig að þeir voru settir í frysti í 20 ár og voru svo þíddir upp árið 2006 , nú það fyrsta sem þeir félagarnir gerðu var að fara í næsta blaðsöluturn og kaupa blöð, Reagan New York Times og Gorbie keypti Pravda. Eftir smá stund rak Gorbasjov upp hlátur og sagði við Reagan að dollarinn væri kominn að hruni og útlitið svart í bandarískum efnahagsmálum. Reagan var skiljanlega ekkert kátur en las NYT áfram. Allt í einu hreinlega sprakk hann af hlátri og ískraði í honum, Gorbasjov spurði hvað væri svona fyndið, en Reagan hló og hló. En loks jafnaði hann sig og sagði að það væri svo sem ekkert sérstakt en Kínverjar ættu í landamæradeilum við FINNA. .........