Ég á milljón í banka

Ég var í Byr sparisjóðnum í gær, þar var maður á undan mér að taka út milljón krónur sléttar, hann fékk splúnkunýtt búnt með fimmþúsnd króna seðlum. Hann var ekki alveg sáttur við þykktina á búntinu fannst hann of þunnur, en gjaldkerinn benti manninum á að seðlarnir væru  nýir og búntuðust betur en gamlir seðlar. Hann heimtaði að gjaldkerinn teldi seðlana því hann vildi vera viss um að fá milljónina sína, sem og hann fékk. Skrýtnir tímar sem við lifum á.

Aleigan í 2 Bónuspokum

Sennilega rétt hjá Jaruzelski.

Held að gamli maðurinn hafi rétt fyrir sér , ég var á skipi sem sigldi mikið á Pólland á þessum tíma og ég man að verkakallarnir við höfnina í Gdynia, Sczezin og Gdansk sögðu við okkur; látum rússana bara koma það verður tekið á móti þeim hraustlega og þeir fara heim í líkkistum ; . Solidarnoc var mál málanna í Póllandi á þessum árum og vart hægt að komast hjá að verða var við ólguna sem kraumaði. Kannske braut hann lög en klárlega bjargaði hann pólskum mannslífum með þessum gjörningi og komst hjá afskiftum Sovétríkjanna sálugu.

Jaruzelski: Ég kom í veg fyrir innrás

Burt með rakvélina

Ef henni er kalt ætti hún að hafa í huga að það er manninum eðlilegt að vera loðin, hárin hafa hlutverk þó þau pirri marga

Sefur í sokkum og hönskum

Ekkert nema sultuhundar

Enn þá er mér hulin ráðgáta hvað menn fær fólktil að  skreyta hundgreyin með nöfnum sem engin botnar í nema innvígðir. Horfi stundum á hundinn minn og hugsa um hvað hann er heppinn að heita "bara" Vaskur. En hann dugar okkur ágætlega þó blandaður sé.

Prins þjófanna fremstur meðal jafningja

Með lausa skrúfu.

Greinilega ræktað garðinn vel sá gamli, kannske skrúlykilinn lent á röngum stað.

71 árs karl ófrískur?

Enga ferju takk !!

Segi pass þegar þeir taka upp ferjusiglingar á Selfoss.

Selfoss færðist í skjálftanum

Nú er úti veður vont

Margir eru einhvern veginn svo grandalausir gagnvart veðrinu sama hvað gengur á og þeir lenda oft  í veseni með lausamuni úti við, þá er eins og menn geti aldrei lært að umgangast náttúruöflin. Á hverjum degi þegar ég fer til vinnu og eins þegar ég fer heim þá ek ég framhjá timburstafla við milli íbúðarhúsa hér í bænum timbrinu hefur verið kastað einhvern veginn í óreglulegan haug og ansi fokhætt og hefur legið óhreyft þarna síðan í vor. Við þetta sama hús var síðastliðin vetur  ótrúlega mikið magn af rusli, allskyns plasti og pappaumbúðum utan af innréttingum og fauk þá þetta um allt hverfið öllum til ama nema eiganda draslsins sem þreif EKKERT af því upp hvað þá fór á stúfana að tína af  sinni eigin lóð. Þetta er í grónu hverfi og ótrúlegt kæruleysi á ferð. Hvað á eftir að gerast með hauginn í nótt kemur í ljós í fyrramálið en ekki kæmi á óvart að allt fyki út um allt og á bíla nágrannana. Það virðist ekkert hægt að gera með svona fólk sem nennir ekki að ganga frá síni eigin drasli heldur lætur nágrannana tína það upp af sínum lóðum. Svo er bara að vona að flestir taki mark á veðurspánni og festi niður lausamuni úti við.

Stormur i aðsigi

Mikil uppgrip.

Okay sannar augljóslega að landamæraeftirlitið er að virka, en það hlýtur að vera arðbær atvinnugrein að vera túlkur þarna suðurfrá. Nóg að gera og seðlarnir streyma í kassann skildi maður ætla.

Fangaklefar fullir af fólki með fölsuð vegabréf

Huglausir

Þá vitum við það, þeir eru í hræðslubandalaginu og flýja þegar hætta steðjar að, en nógu góðir til að stefna lífi ungra bandaríkjamanna í hættu á vígvöllum Mið-Austurlanda. Sem sagt ragir og hugdeigir

Hvorki Bush né Cheney á þingið

Eru rasismi á uppleið ?

Það er með ólíkindum að til skuli fólk sem sér ásæðu til að agnúast út í Pólverjana, nú þegar hluti þeirra er á förum. Þeir komu í leit að vinnu og peningum og hver vill ekki fá borgað fyrir að vinna. Einu sinni var til stór hópur farandverkamanna sem fór landshluta á milli að vinna eftir því hvar uippgripin voru og engum datt í hug að úthúða því fólki. Við erum öll gullgrafarar í eðli okkar og fólk ætti að skammast sín þegar það er að hnoða í Pólverjanna. Þeir eru sumir hverjir komnir til að vera og við verðum að venja okkur við það. Ég þekki nokkra Pólverja og get ekki sagt annað en að þeir séu ágætis fólk. En það eru líka til Íslendingar sem telja sig yfir aðra hafnir, og líta niður á landa sína í krafti auðs og valda, þessum hóp sem er í nöp við Pólverjana væri nær að beina spjótum sínum að þeim og því óréttlæti sem við gengst hér félagslega jafnt og launalega. Það vandamál var til áður en þeir komu og engin virðist hafa dug til að reyna leysa það.

Hópast heim til Póllands