Hjálpardekk á trukka.?

Ég hallast nú frekar að þeirri skýringu að bílstjórinn sé ný komin með meirapróf og rétt búin að sleppa hjálpardekkjunum.

Átján hjóla trukkur á hliðina

Sharía-lög

Þessi ágæti dómari passar vonandi upp á að manngreyið verði ekki afréttaður áður en hann hefur greitt sektina. En hvernig í ósköpunum ætlar dómarinn að samræma dauðadóm og lífstíðarfangelsi, en það er kannske eitthvað mikið hjá Allah. Fyrir margt löngu vann ég með palestínumanni sem var múslimi og hann vildi meina að Allah fyrirgæfi allar syndir. Þannig séð eru svona dómar marklausir.

Dæmdur til dauða fyrir guðlast

Græni kallinn

Hún verður örugglega flott við hliðina á Hróa Hetti, og Russel Crowe verður svaka köggull sem fógetinn vondi í Nottingham, annars er dálítið spúkí við þessa frétt að það er ekkert minnst á aðalmanninn, nefnilega Hróa Hött. Hver mun leika hann ?????

Sienna Miller verður lafði Marian

Jörundur hundadagakonungur

Það er greinilegt að þekking anarkista á Jörundi hundadagakonungi er sorglega lítil. Valdanám hans snerist um verzlun fyrst og síðast og hafði ekkert með stéttajöfnun eða einstaklingsfrelsi að gera enda nánast óþekkt hugtök á þeim tíma. Engu að síður var hann hinn merkilegasti maður, þó hann ætti við þunglyndi og spilafíkn að stríða seinna á lífsleiðinni. Hann myndi örugglega snúa sér við í gröfinni ef hann vissi að menn uppi á Íslandi væru að misnota minningu hans.

Skar íslenska fánann á Stjórnarráðinu

Á þjóðhátíðardegi Íslendinga 17.júní.

Skrúðgöngur, snuddusleikjó, gasblöðrur, candyfloss, litlir fánar, að ógleymdri fjallkonunni, ótrúlega eitthvað íslenskt allt saman ásamt meðfylgjandi ótrúlegu okri í sölutjöldum. En maður saknar þess samt alltaf. Til hamingju með daginn ágætu íslendingar.

Ísbirnir

Menn ættu að kíkja inn á strandir.is þar er góð lýsing á hvernig skal  umgangast hvítabirni enda hafa strandamenn aldalanga reynslu af að umgangast þá. Annars finnst mér persónulega að það ætti að slá svona skepnu snarlega  af því það virðist stundum gleymast að hvítabirnir eru raunverulega skaðræðisgripir, en ekki bara hvítir sætir bangsar.

Ísbjörninn rólegur

Save the silicon

Bíddu nú við, flaut hún á brjóstunum ? Ok en hvaða hlutverki gegnir þá sundbolurinn ?

Brjóstahaldaraleysið gerði útslagið

Stórmerkilegt byggðasafn í Garðinum.

Stundum tökum við fjölskyldan okkur helgarrúnt suður með sjó og alltaf kíkjum við á byggjasafnið í Garðinum. það stendur við hliðina á vitunum tveimur. Þetta er að mínu mati eitt merkasta byggðasafn landsins, þar er t.d  bátasafn og merkilegt safn gamalla kompása, gíróvita og bátavéla. Nú svo eru munir sem tengjast byggða- og atvinnusögu í Garðinum, og margt fleira.Þar er einnig  greinargott kort sem sýnir skipsströnd á liðnum öldum. Mæli eindregið með að fólk geri sér ferð suðureftir og líti inn á safnið.

Haldið upp á 100 ára afmæli í Garðinum

Akureyri.

Er búin að vera á Akureyri í nokkra daga og maður kemst ekki hjá því að verða var við hvað er í gangi, bærinn er fullur af aðkomufólki.  Þar sem við gistum hjá tengdó í Túnunum er svakalega rólegt og næturkyrrðin algjör. Sá þó í gær í sundlauginni nokkur ungmenni sem voru greinilega undir áhrifum einhverra lyfja og var það sorgleg sjón, ollu svo sem engum vandræðum en ástandið á þeim lá í augum úti.

Erfið nótt á Akureyri

Brúðhjón í vanda....

Skil manninn bara vel., enda minnir tónlist Bjarkar og Sigur-rósar á ýlfur í hundum og breimaketti. Sendi Thorvald og Auði samúðarkveðjur að þurfa sitja undir vælinu  en jafnframt innilega til hamingju með væntanlegt brúðkaup.

Veisla í uppnámi