Bobby Fischer goes to war..

Ég var pjakkur þegar einvígið fræga fór fram og fór 1-2 að sjá kappana tefla, og var það ógleymanlegt, mikil stemming og skynjaði maður vel spennuna í kringum einvígið,kalda stríðið við skákborðið í algleymingi.  Bobby bjó í svo kölluði DAS-húsi sem var í Vogalandinu í Reykjavík minnir númer ellefu, ég átti heima þarna rétt hjá,og þvældist oft í kringum húsið í von um að sjá Bobby, alltaf var hópur fólks við húsið að reyna sjá hann,fréttamenn , krakkar og allskonar fólk.  Mér er það minnisstætt að hann kom oft á fleygiferð út úr húsinu og yrti varla á nokkurn mann eða það minnir mig og stökk inn í bíl sem beið hans. En einum vini mínum tókst að komast að honum dag nokkurn, þegar það var fámennt eitt skiftið við húsið, talaði við hann og fékk eiginhandaráritun frá Bobby og lifði lengi á því.