Frjálslyndir fasistar.

Manni er skapi næst að halda að Össur sé að flytja inn vandamál sem hárlausa konan lendir í vanda með. Kiddi sleggja  ef hann þiggur boð Össurar þá hefur hann verið innanborðs í öllum flokkum á Alþingi nema Sjálfstæðisflokk og geri aðrir betur. Mikið held ég að fjör færist í stjórnarliðið með hann í farteskinu. En Frjálslyndir gætu farið alla leið  og kallað sig Fasistaflokkinn ef það er eitthvað sem menn þar á bæ vilja í óþökk formanns. Þeir eru því miður að fjarlægjast uppruna sinn nefnilega kvótamálið nema að kvóti á útlendinga sé það sem koma skal hjá þeim í stað glataðs málstaðar.

Össur býður Kristin H. velkominn í Samfylkinguna

Athugasemdir

[Árni Gunnarsson, 17.9.2008 kl. 18:16]

Hver glataði málstaðnum og hvenær? Ljótt að segja mér ekki frá þessu. Ég er þó einn af stofnendum flokksins.

[Jens Sigurjónsson, 17.9.2008 kl. 18:43]

Árni minn þessi flokkur er ekki sá sami og hann var stofnaður til.

þVÍ MIÐUR:

[Frikkinn, 17.9.2008 kl. 19:41]

Stundum þegar nýjir menn koma inn í ómótaða flokka þá nota þeir tækifærið og hreinlega eigna sér flokkinn samanber þegar Hitler hreinlega stal  Þýska verkamannaflokknum og kom með óaldalýð inn í stað stofnfélaga sem hurfu þá á braut. Þetta tel ég hafa gerst með Frjálslyndaflokkinn. Án þess að ég  telji þessa ágætu menn vera lýð, þá koma nýir menn með nýjar hugmyndir og uppruninn hverfur.

[Guðrún Þóra Hjaltadóttir, 17.9.2008 kl. 23:07]

Það passar ekki Frjálslyndum flokki að vera með þráhyggju og tönglast á henni endalaust. Lífið heldur jú áfram og vonandi flestir flokkar með.